Ես թուրքի հետ չեմ ապրի, էսքան զոհ ենք տվել, գերիներ ունենք, մեր եկեղեցիներն են պղծել: Ես թուրքերի հետ խաղաղություն չեմ ուզում, ես վրեժ ունեմ լուծելու, հողեր ունենք վերադարձնելու: Մեզ դարերով ջարդում են, կոտորում են, մենք իրանց հետ խաղաղություն ո՞նց ուզենք: Այս մասին այսօր ասաց դեպի Բագրատաշեն տանող ճանապարհը փակած ցուցարարներից մեկը:
«Հանձնում ա, զուտ հանձնում ա, մեզ էլ ա հանձնելու: Ոսկեպարում ասել ա, եթե մի շաբաթում դուրս չգաք, ռուսն ու ադրբեջանցին գալու են կոտորեն: Ռուսը մեր թշնամին չի, ուզած չուզած ա անում, որովհետև մենք իրանց վատ ենք վերաբերում»,-հավելեց նա:
«Նիկոլի կնիկն եկել ա Աճառկուտ, ասում ա 11 հազար դասալիք կա, կռվից փախնող կա: Կռվից փախածները ՔՊ-ականներն են, հայրենասեր մարդը երբեք չի փախել, զոհվել ա: Կամ որ ասում են 11 հազարը փախել են, բա 50 հազար ադրբեջանցուն ո՞վ կոտորեց: Իրանց մուտիլովկեքը թող մնա իրանց»,-ասաց ակցիայի մեկ այլ մասնակից:
«Ասում են դասալիք, ես զինվոր էի, Հադրութի հրամանատարը ձին նստեց փախավ, էսօր Նիկոլը տարել ա իրան Արարատում գնդի հրամանատար դրել:Որ կռիվ եղավ, նորից չի՞ փախնելու: Մեզ խաբելով տարան Շուշի լցրին, ասին մերն ա, պահե՛ք: Գնացինք, թուրքը նստած մեզ էր սպասում: Գցեցին շրջափակման մեջ, ընկերներս զոհվեցին»,-հիշեց ցույցի մասնակիցներից մեկը, շեշտելով, որ իր ծառայակից ընկերները զոհվել են խաբեության արդյունքում:
Ակցիայի մասնակիցներից մեկն էլ դիմեց դպրոցների ուսուցիչներին, խնդրելով աշակերտներին լավ սովորեցնել հայոց պատմությունը, նշելով, որ դա առավել քան երբևէ, կարևոր է:
«Որ ասում են Հայաստանի պատմություն, նկատի ունեն, որ Տավուշ չկա, Սյունիք չկա, մի հատ Երևան կա, որ նստեն ուտեն»,-հավելեց նա:
