Եվրախորհրդարանը (ԵԽ) Ստրասբուրգում կայացած լիագումար նիստում հակառուսական բանաձև է ընդունել, որում ասվում է, որ Ռուսաստանի Դաշնությունում նախագահական ընտրություններն, իբր, ոչ ժողովրդավարական են եղել։ Բանաձեւին կողմ է քվեարկել 493 պատգամավոր, դեմ է եղել 11 պատգամավոր, եւս 18-ը ձեռնպահ են մնացել։
Տեքստը պարունակում է պնդումներ, որ ընտրություններում իրական այլընտրանքային թեկնածուներ չեն եղել, ինչպես նաև անօրինական է անվանել քվեարկությունը Ռուսաստանի նոր շրջաններում։
Եվրախորհրդարանի պատգամավորները ԵՄ երկրներին և միջազգային հանրությանը կոչ են արել օրինական չճանաչել Ռուսաստանում կայացած նախագահական ընտրությունների արդյունքները։ Բանաձեւի հեղինակները նաեւ խորհուրդ են տվել ԵՄ-ին Մոսկվայի հետ հարաբերությունները սահմանափակել տարածաշրջանային խաղաղության, հումանիտար խնդիրների եւ մարդու իրավունքների հետ կապված հարցերով։
Խորհրդարանականները կոչ են արել ԵՄ երկրներին աջակցել քաղաքացիական հասարակության անկախ կազմակերպություններին, անկախ լրատվամիջոցներին և մարդու իրավունքների պաշտպաններին և աջակցություն ցուցաբերել Ռուսաստանի դեմոկրատական ընդդիմությանը:
