Կանադայի իշխանություններն Իրանի դեմ սահմանված պատժամիջոցների ցանկում են ներառել Իսլամական Հանրապետության պաշտպանության նախարար Մոհամմադ Ռեզա Աշտիանիին։

Ըստ Կանադայի կառավարության տարածած հաղորդագրության՝ պատժամիջոցներ են սահմանվել նաև Իրանի զինված ուժերի «Խաթամ ​​ալ-Անբիա» կենտրոնական շտաբի հրամանատար Ղոլամ Ալի Ռաշիդի նկատմամբ։

Նոր սահմանափակումները մտցվել են, քանի որ Իրանի Իսլամական Հանրապետության գործողությունները, ըստ Կանադայի կառավարության, «ուղղված են խաղաղության և անվտանգության խաթարմանը և հանգեցրել են կամ կարող են հանգեցնել լուրջ միջազգային ճգնաժամի»:

Իրանցի երկու բարձրաստիճան զինվորականներից բացի պատժամիջոցների ցանկում են հայտնվել նաև Իրանի զինված ուժերի գլխավոր շտաբը և Խաթամ ​​ալ-Անբիայի շտաբը:

Մեծ Բրիտանիան ավելի վաղ վեց կետով ընդլայնել էր Իրանի դեմ պատժամիջոցների ցանկը՝ սահմանափակումները տարածելով անօդաչու թռչող սարքերի և հրթիռների արտադրությանն առնչվող երկու անձի և չորս ընկերության վրա։

Բացի դրանից, ԱՄՆ ֆինանսների նախարարությունը Ռուսաստանի հետ կապված պատժամիջոցների ցանկում ներառել է Իրանի երեք քաղաքացու և Իսլամական Հանրապետության երկու ընկերություն։