Ապրիլի 25-ին Վենետիկը՝ մոլորակի ամենահայտնի զբոսաշրջային քաղաքներից մեկը, փորձարկում է սկսել` զբոսաշրջիկներից քաղաք մեկօրյա այցելության համար գանձել: Այս մասին հայտնում է AP-ն։
Հինգշաբթի օրը Վենետիկն առաջին անգամ սկսեց քաղաք մուտք գործելու համար 5 եվրո գանձել այն զբոսաշրջիկներից, ովքեր ժամանում են այնտեղ մեկօրյա ճամփորդության և չեն գիշերում: Վենետիկ վճարովի մուտքը գործում է 8:30-ից 16:00-ը:
Այս նախագիծը մշակվել և հայտարարվել է նախապես՝ պիկ օրերին զբոսաշրջիկների կուտակումները նվազեցնելու և իրավիճակն ավելի տանելի դարձնելու ակնկալիքով՝ թե՛ քաղաքացիների, թե՛ այցելուների համար։
Վենետիկի երկաթուղային կայարաններում հայտնվել են մեծ տախտակներ, որոնք նշում են գալիք ամիսների ամսաթվերը, երբ քաղաքում մնալը վճարովի է լինելու, և նոր առանձին ելքեր դեպի քաղաք՝ զբոսաշրջիկների և նրանց համար, ովքեր ապրում, սովորում կամ աշխատում են Վենետիկում: Դրանց մոտ հերթապահող աշխատակիցներ կան, ովքեր այցելուներին զգուշացնում են նոր կանոնների մասին և օգնում ներբեռնել QR կոդը՝ տոմս գնելու համար։
Վճարովի տոմս չունենալը սպառնում է 50 եվրո տուգանքով։
Նոր սխեմայով՝ շուրջ 6 հազար մարդ արդեն նախօրոք ձեռք է բերել ցերեկային մուտքի տոմսեր։