Եվրամիության և Բալկանյան երկրների առաջիկա գագաթնաժողովին չի քննարկվելու միության կազմի ընդլայնման հարցը․ Մոգերինի
Եվրոպական Միության և Բալկանյան թերակղզու երկրների միջև գագաթնաժողովը տեղի է ունենալու մայիսի 17-ին Բուլղարիայի մայրաքաղաք Սոֆիայում։ Այս մասին միության անդամ երկրների պաշտպանության նախարարների ոչ ֆորմալ գագաթնաժողովից հետո կայացած մամուլի ասուլիսի ժամանակ հայտարարել է արտաքին գործերի և անվտանգության քաղաքաղականության հարցերով գլխավոր եվրահանձնակատար Ֆեդերիկա Մոգերինին։
Մոգերինիի խոսքով՝ մայիսի 17-ին կայանալիք գագաթնաժողովը չի վերաբերվելու Եվրամիության կազմի ընդլայնմանը։
«Չնայած գագաթնաժողովը չի վերաբերվելու միության կազմի ընդլայնմանը, այնուամենայնիվ, շատ ուրախալի է, որ այս տարածաշրջանի երկրները կարևորում են Եվրոպայի հետ հեռանկարները», - նշել է Մոգերինին։
Արտաքին գործերի և անվտանգության քաղաքաղականության հարցերով գլխավոր եվրահանձնակատարը կարծում է, որ առաջիկա գագաթնաժողովը ցույց կտա, որ Եվրոպական Միությունը և Բալկանյան երկրները պատրաստ են միասին աշխատել և ունենալ ընդհանուր ապագա։
Ներկայում ԵՄ անդամ դառնալու թեկնածու է համարվում 5 երկիր՝ Չեռնոգորիան, Թուրքիան, Սերբիան, Ալբանիան և Մակեդոնիան։
Նախորդ տարվա նոյեմբերի սկզբին Եվրոպական հանձնաժողովի ղեկավար Ժան Կլոդ Յունկերը հայտարարել էր, որ Սերբիան և Չեռնոգորիան կարող են ԵՄ անդամ դառնալ 2025 թվականին։
Վերջին հոդվածները
ԱՄՆ-ը չի բացառում Սիրիայից զորքերի դուրբերումը չեղարկելու հնարավորությունը․ Չավուշօղլու
Վենեսուելական դատարանը ձերբակալել է ընդդիմության առաջնորդի խորհրդականին
Վիեննայում մեկնարկել են Նիկոլ Փաշինյանի ու Իլհամ Ալիևի բանակցությունները (տեսանյութ)
ՄԱԿ-ում կարծում են, որ ԵՄ-ի հակառուսական պատժամիջոցներից ավելի շատ տուժում է եվրոպական կողմը
ՀՀ ԱԳՆ-ը հաստատում է Նիկոլ Փաշինյանի և Իլհամ Ալիևի հանդիպման մասին լուրերը
