Ադրբեջանը Բելառուսից գնել է համազարկային կրակի ռեակտիվ համակարգեր

Երեկ՝ հունիսի 11-ին, Ադրբեջանի նախագահ Իլհամ Ալիևը մասնակցել է մի զորամասի բացման արարողությանը, որտեղ ցուցադրվել են «Պոլոնեզ» կոչվող համազարկային կրակի ռեակտիվ համակարգերը: Այս մասին, ինչպես գրում է Lenta-ն, հայտնել է Ադրբեջանի պաշտպանության նախարարության մամուլի ծառայությունը։

Նշվում է, որ այս համակարգի առավելագույն հեռահարությունը 300 կիլոմետր է, հրթիռի քաշը՝ 780 կիլոգրամ, մարտագլխիկի քաշը՝ 140 կիլոգրամ, խոցման ճշգրտությունը՝ 80 մետր (շրջանագծով)։

«Պոլոնեզ»-ի թռիչքի առավելագույն արագությունը կազմում է 310 մետր վայրկյան։ Շահագործման ժամկետը 10 տարի է։

Այս զինատեսակի մատակարարման մասին հաղորդվում էր նաև ավելի վաղ։ Դեռ ապրիլին ռուսական «Կոմերսանտ» թերթը հայտում էր, որ Ադրբեջանը պատրաստվում է Բելառուսից գնել «Պոլոնեզ» համազարկային կրակի տասը համակարգ: