Թուրքիան ձեռք է բերել ամերիկյան F-35 կործանիչներ
Թուրքիան ստացել է ամերիկյան F-35 հինգերորդ սերնդի երկու կործանիչ։ Այս մասին գրում է ՏԱՍՍ-ը՝ հղում կատարելով թուրքական լրատվամիջոցներին։
Աղբյուրի համաձայն՝ ինքնաթիռների փոխանցման պաշտոնական արարողությունը տեղի է ունեցել Տեխաս նահանգի Ֆորտ Ուերտ քաղաքում։ Արարողությունից հետո կործանիչներն ուղևորվելու են Արիզոնայում գտնվող ավիաբազա, որտեղ թուրք օդաչուների համար դասընթացներ կանցկացվեն։ Ակնկալվում է, որ Անկարան ձեռք կբերի ավելի քան հարյուր F-35 կործանիչ։
Ավելի վաղ ԱՄՆ Կոնգրեսն ընդունել է օրինագիծ Պենտագոնի՝ 2019 թ․ ֆինանսական տարվա բյուջեի մասին, ըստ որի` պաշտպանության նախարարը զրկվում է Թուրքիային ամերիկյան զինատեսակներ, այդ թվում՝ F-35 կործանիչներ մատակարարելու մասին որոշումներ կայացնելու հնարավորությունից՝ կապված ռուսական Ս-400 զենիթահրթիռային համակարգերի գնման հետ։