ՆԱՏՕ-ի գագաթնաժողովը պետք է հարթի ԱՄՆ-ի և ԵՄ-ի միջև տարաձայնությունները․ Սթոլթենբերգ

ՆԱՏՕ-ի անդամ պետությունների և կառավարությունների ղեկավարների հանդիպումը պետք է հարթի ԱՄՆ-ի և Եվրոպական Միության միջև առկա բոլոր անհամաձայնությունները։ Այս մասին հայտարարել է ՆԱՏՕ-ի գլխավոր քարտուղար Յենս Սթոլթենբերգը։

«Դաշնակիցների միջև լինում են տարաձայնություններ, սակայն ես վստահ եմ, որ գագաթնաժողովը կարող է հասնել արդյունքի և հարթել ԱՄՆ-ի և ԵՄ-ի միջև առկա անհամաձայնությունները», - ասել է Սթոլթենբերգը։

Նա հերթական անգամ կրկնել է այն միտքը, որ Դաշինքի անդամներն իրենց ռազմական ծախսերը հասցրել են ռեկորդային մակարդակի, և որ նրանք կարող են այս հարցում հասնել փոխըմբռնման։

Ավելի վաղ գլխավոր քարտուղարը հայտարարել էր, որ Դաշինքի անդամների միջև անհամաձայնություն կա ռուսական գազի, մասնավորապես՝ «Հյուսիսային հոսք-2» նախագծի շուրջ։ Գագաթնաժողովին նախորդած մամուլի ասուլիսի ընթացքում Սթոլթենբերգը հայտարարել էր, որ ԱՄՆ-ի և ԵՄ-ի միջև առկա առևտրային պատերազմը չի օժանդակում փոխըմբռնմանը Դաշինքի ներսում։

Աղբյուր՝  http://tass.ru/mezhdunarodnaya-panorama/5364403

We use cookies to ensure that we give you the best experience on our website. You may delete and block all cookies from us, but certain parts of the site may not work properly.