Ադրբեջանը Ռուսաստանից կգնի 5 միլիարդ դոլարի զինամթերք
Արդեն ստորագրվել են Ռուսաստանից Ադրբեջան շուրջ 5 միլիարդ դոլար արժողությամբ զինամթերքի մատակարարման մասին պայմանագրերը, և այս թիվը կարող է աճել։ Այս մասին հայտարարել է Ադրբեջանի նախագահ Իլհամ Ալիևը։
«Մենք այսօր քննարկել ենք նաև ռազմատեխնիկական ոլորտում հետագա համագործակցության հարցը։ Այն ունի արդեն մեծ ավանդույթներ։ Պայմանագրերը, որոնք կնքվել են Ռուսաստանի և Ադրեջանի միջև Մոսկվայից գնած ռազմամթերքի վերաբերյալ, գերազանցում է 5 միլիարդ դոլարը։ Այս թիվը միտված է աճելու։ Ադրբեջանը շարունակում է արդիականացնել զինված ուժերը, իսկ Ռուսաստանը համարվում է զինամթերքի աշխարհի խոշորագույն արտադրողը և մատակարարը», - Սոչիում Վլադիմիր Պուտինի հետ բանակցություններից հետո հայտարարել է Իլհամ Ալիևը։