ԱՄՆ ռազմաօդային ուժերը ֆոսֆորային զենք են կիրառել Սիրիայում
Սեպտեմբերի 8-ին ԱՄՆ ռազմաօդային ուժերը ֆոսֆորային զենքով հարվածներ են հասցրել Սիրիայի Դեր Զոր նահանգի Հաջին բնակավայրին։ Այս մասին հայտարարել է Սիրիայում հակամարտող կողմերի հաշտեցման ռուսական կենտրոնի ղեկավար Վլադիմիր Սավչենկոն։
«2018 թ․ սեպտեմբերի 8-ին ամերիկյան ռազմաօդային ուժերի երկու F-15 ինքնաթիռներ ֆոսֆորային պայթուցիկ նյութի կիրառմամբ գրոհել են Դեր Զոր նահանգնի Հաջին բնակավայրը։ Հարվածների հետևանքով հրդեհներ են բռնկվել», - ասել է Սավչենկոն՝ հավելելով, որ զոհերի և վիրավորների մասին տեղեկությունները դեռևս ճշտվում են։
Սիրիայում հակամարտող կողմերի հաշտeցման ռուսական կենտրոնի ղեկավարը հիշեցնում է, որ 1949 թ․ ժնևյան կոնվենցիան արգելում է կիրառել սպիտակ ֆոսֆոր պարունակող զենքեր։
Սավչենկոյի խոսքով՝ չնայած ռազմական գործողությունների դադարի ռեժիմի հաստատմանը, վերջին ժամանակներում բավական շատացել են անօրինական զինված խմբավորումների կողմից հրադադարի ռեժիմի խախտումների դեպքերը մասնավորապես Լաթաքիա, Համա նահանգներում և Հալեպի հարավարևելյան շրջաններում։
Աղբյուր՝ https://tass.ru/armiya-i-opk/5542301