Դմիտրի Պեսկովն անդրադարձել է Պուտինի և Փաշինյանի միջև տեղի ունեցած կարճատև խոսակցությանը

ՀՀ վարչապետ Նիկոլ Փաշինյանը Դուշանբեում կայացած ԱՊՀ գագաթնաժողովի շրջանակներում կարճատև խոսակցություն է ունեցել ՌԴ նախագահ Վլադիմիր Պուտինի հետ։ Երկու երկրների ղեկավարների կարճատև շփման վերաբերյալ մանրամասներ է ներկայացրել ՌԴ նախագահի մամուլի խոսնակ Դմիտրի Պեսկովը։

«Վլադիմիր Պուտինը խոսակցություն է ունեցել Նիկոլ Փաշինյանի հետ։ Պուտինը Փաշինյանի հետ չի քննարկել Երևան այցի հեռանկարները։ Անդրադարձ է կատարվել օպերատիվ, ընթացիկ թեմաների», - լրագրողների հետ զրույցում ասել է Պեսկովը։

Ավելի վաղ Նիկոլ Փաշինյանը մի քանի բառ էր փոխանակել Ադրբեջանի նախագահ Իլհամ Ալիևի հետ։ ՀՀ վարչապետն իր ֆեյսբուքյան էջում հաստատել էր տարածված լուրը և հավելել, որ դրա վերաբերյալ մանրամասներ կներկայացնի Երևան վերադառնալուց հետո։