Սոմալիի մայրաքաղաքում տեղի ունեցած ահաբեկչության հետևանքով զոհերի թիվը հասել է 50-ի
Սոմալիի մայրաքաղաք Մոգադիշոյում տեղի ունեցած պայթյունների հետևանքով զոհերի թիվը հասել է 50-ի, վիրավորվել է 58 մարդ։ Այս մասին տեղեկացնում է Xinhua գործակալությունը՝ հղում կատարելով ոստիկանության և առողջապահության նախարարության տվյալներին։ Ավելի վաղ հաղորդվում էր 39 զոհի մասին։
«Ավերակների տակ գտնվել են նոր դիակներ։ Այս պահին զոհերի թիվը հասել է 50-ի։ Այժմ մենք չենք կարող հստակ նշել, թե արդյոք էլի կան մարդիկ, որոնք մնացել են փլատակների տակ։ Մենք ամբողջ ուժով փնտրում ենք անհետ կորածներին», - լրատվականի հետ զրույցում ասել է ոստիկանության ներկայացուցիչը։
Ավելի վաղ Reuters գործակալությունը հայտնում էր, որ ահաբեկիչները պայթուցիկ նյութերով լցված մի քանի մեքենա են ուղարկել Մոգադիշոյի կենտրոնում գտնվող հյուրանոցի մոտ։
Տեղի ունեցած պայթյունի պատասխանատվությունն արդեն ստանձնել է «Աշ Շաբաբ» ծայրահեղական խմբավորումը։
«Աշ Շաբաբ»-ը (երիտասարդ մոջահեդների շարժումը, - խմբ․) Սոմալիում հիմնված ծայրահեղական խմբավորում է։ Այն ակտիվորեն համագործակցում է «Ալ-Քաիդա» միջազգային ահաբեկչական խմբավորման հետ։
«Աշ-Շաբաբը» զինված պայքար է մղում Սոմալիի իշխանությունների դեմ՝ խանգարելով ՄԱԿ-ի հումանիտար առաքելություններին։ 2008 թ․ ԱՄՆ-ը «Աշ-Շաբաբն» ընդգրկել է ահաբեկչական խմբավորումների ցանկում։
Վերջին հոդվածները
ԱՄՆ-ը չի բացառում Սիրիայից զորքերի դուրբերումը չեղարկելու հնարավորությունը․ Չավուշօղլու
Վենեսուելական դատարանը ձերբակալել է ընդդիմության առաջնորդի խորհրդականին
Վիեննայում մեկնարկել են Նիկոլ Փաշինյանի ու Իլհամ Ալիևի բանակցությունները (տեսանյութ)
ՄԱԿ-ում կարծում են, որ ԵՄ-ի հակառուսական պատժամիջոցներից ավելի շատ տուժում է եվրոպական կողմը
ՀՀ ԱԳՆ-ը հաստատում է Նիկոլ Փաշինյանի և Իլհամ Ալիևի հանդիպման մասին լուրերը
