Մոսկվան սադրում է Եմենի և Աֆղանստանի ծայրահեղականներին․ ԱՄՆ պետքարտուղարություն

Ռուսաստանն իր քայլերով սադրում է Աֆղանստանի և Եմենի ծայրահեղական խմբավորումներին։ Այս մասին ԱՄՆ Կոնգրեսի Ներկայացուցիչների պալատի միջազգային հարցերի հանձնաժողովի լսումների ժամանակ հայտարարել է պետքարտուղարության՝ ահաբեկչության դեմ պայքարի հարցերի համակարգող Նեյթան Սեյլսը։

Խորհրդարանականներից մեկը պետքարտուղարության ներկայացուցչին հարցեր է, թե արդյոք Ռուսաստանը ուղղակի կամ անուղղակի կերպով ազդում է Եմենի և Աֆղանստանի ծայրահեղականների վրա։ Ի պատասխան՝ Սեյլսն ասել է․ «Այո, Եմենում և Աֆղանստանում, այո»։

Նա իր խոսքերը հիմնավորող որևէ փաստ, սակայն, չի ներկայացրել․ սահմանափակվել է միայն՝ ասելով, որ Ռուսաստանն «Աֆղանստանում ունի պատմական շահեր»։

Ամերիկյան վարչակազմը Մոսկվային բազմիցս մեղադրել է աֆղանական «Թալիբան» շարժմանն աջակցություն ցույց տալու մեջ։ Հատկանշական է, որ այս մեղադրանքներն ապացուցող որևէ փաստ չի ներկայացվել։ Ռուսական կողմը բամզիցս հերքել է Վաշինգտոնի մեղադրանքները։

Այս տարվա հոկտեմբերին Վաշինգտոնում կայացած ճեպազրույցի ժամանակ ՆԱՏՕ-ի ռազմական հանձնաժողովի ղեկավար Պետր Պավելը լրագրողներին ասել է, որ Հյուսիսատլանտյան դաշինքը տվյալներ չունի, որոնք կարող են ապացուցել, որ Մոսկվան զենք է տրամադրում թալիբներին։

Աղբյուր՝  https://tass.ru/mezhdunarodnaya-panorama/5794331