ՌԴ հատուկ ծառայությունները Տոմսկի շրջանում բացահայտել են ԻՊ-ին ֆինանսական աջակցություն ցույց տվող խմբի
ՌԴ Անվտանգության դաշնային ծառայությունը և Քննչական կոմիտեն Տոմսկի շրջանում կասեցրել են մի խմբի գործունեություն, որն զբաղվում էր Իսլամական պետության համար ֆինանսական միջոցներ հավաքելով և ահաբեկչական խմբավորման համար ֆինանսական ծառայություններ մատուցելով։ Այս մասիկն գրում է ՏԱՍՍ-ը՝ հղում կատարելով ԱԴԾ հասարակայնության հետ կապերի վարչությանը։
«Ինչպես պարզվել է, խմբի անդամները Telegram-ի փակ մեսենջերներում տեղադրել են բանկային քարտերի տվյալներ, որպեսզի հնարավոր լինի փոխանցումներ կատարել Սիրիայում ԻՊ-ի կազմում կռվող ահաբեկիչների հաշվին», - հայտնել են Անվտանգության դաշնային ծառայությունում։
Զննությամբ հայտնաբերվել են բանկային քարտեր, կապի միջոցներ, ծայրահեղական գրականություն և այլ անձնական իրեր։
Ձերբակալված խմբի կազմում կան ՌԴ քաղաքացիներ, որոնք աջակցում են համաշխարհային իսլամական խալիֆաթի ստեղծման գաղափարին։ Նրանց նկատմամբ հարուցվել է քրեական գործ ահաբեկչությանն օժանդակելու հատկանիշներով։ Խափանման միջոց է ընտրվել կալանավորումը։
Հիշեցնենք, որ ԱԴԾ-ը նման մի խմբի ձերբակալել էր նաև այս տարվա մայիսին։ Խումբն ուներ 13 անդամ, որոնց մեծ մասը ՌԴ քաղաքացիներ էին։