Պեսկովը խոսել է G20-ի գագաթնաժողովին Պուտինի գրաֆիկի մասին
Ռուսաստանի Դաշնության նախագահ Վլադիմիր Պուտինի աշխատանքայի գրաֆիկը ուրբաթ և շաբաթ օրերի համար կազմված է, բառացիորեն, րոպեներով։ Այս մասին լրագրողների հետ զրույցի ժամանակ հայտնել է ՌԴ նախագահի մամուլի ծառայության ղեկավար Դմիտրի Պեկսովը․ գրում է Ռիա Նովոստի-ն։
«Ուրբաթ և շաբաթ օրերի համար նախագահի գրաֆիկը կազմված է րոպեներով՝ հաշվի առնելով նրա այցի երեք նպատակները և կարգավիճակը։ Առաջինն, իհարկե, Մեծ քսանյակի երկրների գագաթնաժողովին մասնակցելն է, երկրորդը՝ գագաթնաժողովի շրջանակներում երկկողմ և այլ ձևաչափերով հանդիպումներն են, իսկ երրորդը՝ պաշտոնական այցն է Արգենտինա, որը տեղի է ունենալու վերոնշյալ օրերին», - ասել է Պեսկովը։
Հիշեցնենք, որ նոյեմբերի 30-ին և դեկտեմբերի 1-ին Արգենտինայի մայրաքաղաք Բուենոս Այրեսում տեղի է ունենալու Մեծ քսանյակի երկրների գագաթնաժողովը, որի շրջանակներում նախատեսված է նաև Վլադիմիր Պուտինի և Դոնալդ Թրամփի հանդիպումը։
Ավելի վաղ, սակայն, ԱՄՆ նախագահը հայտարարել է, որ այդ հանդիպումը կարող է չեղարկվել՝ կապված Կերչի նեղուցում նոյեմբերի 25-ին տեղի ունեցած միջադեպի հետ։