Սիրիայում ԱՄՆ-ի գլխավորած միջազգային կոալիցիայի ավիահարվածների հետևանքով զոհվել է 5 մարդ

Տեղադրվել է 06/12/2018.
© AP Photo/Hussein Malla

ԱՄՆ-ի գլխավորած միջազգային կոալիցիայի ավիահարվածների հետևանքով Սիրիայի Դեր Զոր նահանգի Հաջին քաղաքում զոհվել է ավելի քան 5 մարդ։ Այս մասին տեղեկացնում է սիրիական ՍԱՆԱ գործակալությունը։

Աղբյուրի փոխանցմամբ՝ կան նաև բազմաթիվ վիրավորներ։ Տեղի ունեցածի վերաբերյալ այլ մանրամասներ լրատվականը չի հաղորդում։

Մարդու իրավունքների պաշտպանության հարցերով սիրիական կենտրոնի տվյալներով՝ նոյեմբերի սկզբից ի վեր արևմտյան կոալիցիայի ավիահարվածների հետևանքով Դեր Զորում զոհվել է ավելի քան 40 խաղաղ բնակիչ։

Նախորդ ամսին Սիրիայի արտաքին գործերի նախարարությունը ՄԱԿ-ի Անվտանգության խորհրդին ուղերձ էր հղել, որտեղ մեղադրել էր ԱՄՆ-ի գլխավորած միջազգային կոալիցիային Սիրիայում ռազմական հանցագործություններ կատարելու և անմեղ մարդկանց սպանելու մեջ։ Դամասկոսը ՄԱԿ-ի ԱԽ-ին կոչ էր արել դատապարտել կոալիցիայի գործողությունները և ստեղծել անկախ մարմին, որը կզբաղվի ռազմական հանցագործությունների հետաքննությամբ և կպատժի մեղավորներին։

Որոշիչ բառեր: Սիրիա, Դեր Զոր, ավիահարվածներ, ԱՄՆ-ի գլխավորած միջազգային կոալիցիա

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.