ՌԴ հատուկ ծառայությունները Ստավրոպոլում ոչնչացրել են ԻՊ զինյալների
Ռուսական հատուկ ծառայությունները Ստավրոպոլում ոչնչացրել են «Իսլամական պետություն» ահաբեկչական խմբավորման զինյալների, որոնք կրակ էին բացել ուժայինների ուղղությամբ։ Այս մասին տեղեկացնում է ՌԴ Անվտանգության դաշնային ծառայությունը։
«Պատասխան կրակով «Իսլամական պետություն» միջազգային ահաբեկչական խմբավորման անդամները ոչնչացվեցին։ ՌԴ Անվտանգության դաշնային ծառայության շարքերում տուժածներ չկան» - ասվում է տարածված հաղորդագրության մեջ։
Հարուցվել է քրեական գործ ահաբեկչություն նախապատրաստելու, ահաբեկչական կազմակերպություն ստեղծելու և ապօրինի զենք կրելու հատկանիշներով։
Ռիա Նովոստի-ի փոխանցմամբ՝ վերջին մեկ տարվա ընթացքում ՌԴ հատուկ ծառայությունները կարողացել են կանխել շուրջ երկու տասնյակ ահաբեկչություն և ոչնչացնել ահաբեկչական փոքր խմբեր։
Նոյեմբերին Անվտանգության դաշնային ծառայությունը Տոմսկում կարողացել էր ձերբակալել ահաբեկչական խմբի, որը գումար էր հավաքում Իսլամական պետության համար