Սիրիական բանակը Դամասկոսի վրա օդային հարձակման ժամանակ խոցել է իսրայելական 8 հրթիռ

Դեկտեմբերի 25-ին Սիրիայի հակաօդային պաշտպանության համակարգերը կարողացել են Դամասկոսի հարավային և արևմտյան հատվածներում հետ մղել օդային հարձակումը և խոցել իսրայելական ութ հրթիռ։ Այս մասին գրում է TASS-ը՝ հղում կատարելով An Nashra լրատվականին։

Մեկ այլ աղբյուրի՝ Syria հեռուստաալիքի փոխանցմամբ՝ օդային հարձակումն սկսվել է Լիբանանի օդային տարածքից։

Իսրայելի ռազմաօդային ուժերը գրոհել են «Հոզբոլլահ» շարժման և «Իսլամական հեղափոխության պահապանների կորպուսի» դիրքերը, որոնք կռվում են սիրիական բանակի կողմից։

SANA-ի փոխանցմամբ՝ սիրիական բանակի երեք զինվոր մարմնական վնասվածքներ է ստացել Դամասկոսի արևմտյան մասում ընկած հրթիռներից։

Ականատեսների պնդմամբ՝ մի քանի հրթիռ ընկել է Իսրայելի տարածքում։ Պայթյունները լսելի են եղել Քեյսարի և Հոդեյրա բնակավայրերում։

Վերջին անգամ Իսրայելը Սիրիայի նկատմամբ օդային հարձակում էր իրականացրել նոյեմբերի վերջին։ Այն ժամանակ հարվածներ էր հասցվել Էլ Քիսվա բնակավայրին։