Թրամփն անակնկալ այցով մեկնել է Իրաք և հանդիպել ամերիկացի զինծառայողների հետ

ԱՄՆ նախագահ Դոնալդ Թրամփը կնոջ՝ Մելանյա Թրամփի հետ չհայտարարված այցով մեկնել են Իրաք։ Այս մասին տեղեկությունը հրապարակվել է Թրամփի թվիթերյան էջում։

«Մենք Մելանյայի հետ միասին պատիվ ունեցանք այցելել Իրաքի Ալ-Ասադ ռազմաբազայի մեր հրաշալի զինվորներին։ Աստված օրհնի ԱՄՆ-ը», - թվիթերյան գրառման մեջ նշել է Թրամփը։

Շփվելով լրագրողների հետ՝ Թրամփը նշել է, որ չի պատրաստվում զորքերը դուրս բերել Իրաքից։ Ինչպես հայտնում է The New York Times-ը, դրա փոխարեն ԱՄՆ առաջնորդը պատրաստվում է օգտագործել ռազմաբազան Սիրիայում Իսլամական պետության դեմ գործողությունների համար։

Associated Press գործակալության փոխանցմամբ՝ սա Թրամփի 6-րդ այցն է Իրաք։ Նրանից առաջ այստեղ են այցելել նաև Բարաք Օբաման և Ջորս Բուշ կրտսերը։