Իսրայելցի զինվորներին մեղադրանք է առաջադրվել պաղեստինցիների նկատմամբ բռնություն գործադրելու համար
Իսրայելական բանակի ուղղափառ կրոնական գումարտակի 5 զինվորի մեղադրանք է առաջադրվել՝ կապված ձերբակալված պաղեստինցիների նկատմամբ բռնություն կիրառելու հետ։ Այս մասիմն գրում է Ռիա Նովոստի-ն՝ հղում կատարելով իսրայելական բանակի մամուլի ծառայությանը։
«Հունվարի 31-ին դատարան է ուղարկվել մեղադրական հայց հինգ զինվորների նկատմամբ, որոնք բռնություն են կիրառել ձերբակալված պաղեստինցիների նկատմամբ։ Նրանք ծանր մարմնական վնասվածքներ են հասցրել տուժածներին», - ասվում է տարածված հայտարարության մեջ։
Ավելի վաղ Jerusalem Post-ը տեղեկացրել էր, որ ձերբակալվել է ուղղափառ կրոնական գումարտակի հինգ զինվոր։ Ըստ թերթի ունեցած տվյալների՝ նրանք կասկածվում են Ռամալլա քաղաքում տեղի ունեցած գործողությունների արդյունքում ձերբակալված պաղեստինցիների նկատմամբ բռնություն կիրառելու մեջ։