Թուրք իրավապահները ձերբակալել են ավելի քան 50 սիրիացիների
Թուրքիայի ուժային ծառայությունների աշխատակիցները փետրվարի 13-ին երկրի հյուսիսարևմուտքում անցկացված հակաահաբեկչական գործողության շրջանակներում ձերբակալել են 52 սիրիացիների։ Այս մասին տեղեկացնում է թուրքական Yeni Safak պարբերականը։
Աղբյուրի փոխանցմամբ՝ բոլոր ձերբակալվածները մեղադրվում են «Իսլամական պետություն» ահաբեկչական խմբավորման հետ առնչություն ունենալու մեջ։
Ձերբակալության հրամանն արձակել է Բուրսայի դատախազությունը։ Հենց այս քաղաքում էլ կատարվել է գործողությունը։
Ավելի վաղ Ստամբուլի իրավապահները Գյուլենական շարժման հետ առնչություն ունենալու մեղադրանքով ձերբակալել էին ավելի քան 1000 մարդու։