ՆԱՏՕ-ի ռազմական հանձնաժողովի նախկին ղեկավարն ԱՄՆ-ին մեղադրում է դավաճանության մեջ

Տեղադրվել է 15/02/2019.
© РИА Новости / Алексей Витвицкий

ՆԱՏՕ-ի ռազմական հանձնաժողովի նախկին ղեկավար, Գերմանիայի ռազմաօդային ուժերի պաշտոնաթող գեներալ Հարալդ Կուայտը խստորեն քննադատել է ԱՄՆ-ին Միջին և ցածր հեռահարության հրթիռների ոչնչացման մասին պայմանագրից դուրս գալու համար։

Նրա խոսքով՝ Միացյալ Նահանգներն այս քայլով ցույց է տալիս, որ հրաժարվում է Եվրոպայի իր դաշնակիցների առջև ստանձնած պարտավորություններից։

«Սա դավաճանություն է եվրոպացի դաշնակիցների անվտանգության նկատմամբ», - հայտարարել է Կուայտը։

Նա հույս է հայտնել, որ Մոսկվան և Վաշինգտոնն, այնուամենայնիվ, կկարողանան պահպանել համաձայնագիրը, ինչի համար անհրաժեշտ է վերսկսել փոխադարձ ստուգումները։

Հիշեցնենք, որ փետրվարի 2-ին Միացյալ Նահանգները հայտարարել էր, որ դուրս է գալիս Միջին և ցածր հեռահարության հրթիռների ոչնչացման մասին պայմանագրից, որը կնքվել էր 1987 թ․ ԱՄՆ-ի և ԽՍՀՄ-ի միջև։ Ի պատասխան՝ Մոսկվան հայտարարեց, որ նույնպես դուրս է գալիս պայմանագրից և պատրաստվում է նոր հրթիռներ մշակել, որոնք արգելված էին փաստաթղթով։

Նույն օրը ՌԴ նախագահ Վլադիմիր Պուտինը հայտարարեց, որ Մոսկվան հայելային պատասխան կտա Վաշինգտոնի այս քայլին՝ նույնպես դադարեցնելով իր մասնակցությունը պայմանագրին։

Որոշիչ բառեր: Միջին և ցածր հեռահարության հրթիռների մասին պայմանագիր, ԱՄՆ, Ռուսաստան, ՆԱՏՕ

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.