2018 թ․ Չինաստանը ենթարկվել է առավելագույն քանակի կիբերհարձակումների

Չինաստանի պետական հաստատությունները, ընկերությունները և մասնավոր անձինք 2018 թ․ ենթարկվել են առավելագույն չափի հաքերային հարձակումների։ Չինաստանի կենտրոնական հեռուստաընկերության տվյալներով՝ օրական միջինում արձանագրվել է մինչև 800 միլիոն հարձակման փորձ։

Knownsec Information Technology պեկինյան ընկերության տվյալներով՝ ցանցահենների հարձակումների ամենաբարձր ինտենսիվությունը գրանցվել է նախորդ տարվա օգոստոսին, երբ Չինաստանն ամեն օր ենթարկվում էր ավելի քան 4,9 միլիարդ կիբերհարձակումների։ Հարձակումների հիմնական թիրախը կառավարական կայքերն էին, որտեղ պահվում է առավել արժեքավոր ինֆորմացիա։

Համաձայն անցկացված վերլուծության՝ հարձակումների 97%-ը կատարվել է Չինաստանի տարածքից, իսկ մնացած 3%-ը՝ արտասահմանից։ Նույն վերլուծությունը ցույց է տալիս, որ ցանցահեններն ակտիվ են հատկապես աշխատանքային օրերին․ հանգստյան օրերին նրանց ակտիվությունը նկատելիորեն նվազում է։

Ավելի վաղ Չինաստանի արտաքին գործերի նախարարության պաշտոնական ներկայացուցիչ Հուա Չունյինը հայտարարել էր, որ հաքերային հարձակումները և համացանցի միջոցով անձնական ինֆորմացիայի գողությունը կրում է գլոբալ բնույթ և ազդում է բոլոր երկրների շահերի վրա, «այդ իսկ պատճառով դրա լուծումը պահանջում է միջազգային հանրության միավորում»։

Նրա խոսքով՝ Պեկինը չափազանց լուրջ է վերաբերվում ցանցային անվտանգության ապահովվմանը։

We use cookies to ensure that we give you the best experience on our website. You may delete and block all cookies from us, but certain parts of the site may not work properly.