Ամերիկյան ռազմական ինքնաթիռը դիտորդական թռիչք է իրականացրել Ռուսաստանի տարածքում
Ամերիկյան ռազմական ինքնաթիռը դիտորդական թռիչք է իրականացրել Ռուսաստանի տարածքում։ Այս մասին գրում է Ria Novovsti-ն՝ հղում կատարելով PlaneRadar մոնիթորինգային կենտրոնին։
Նշվում է, որ այսօր՝ մարտի 1-ի առավոտյան՝ Մոսկվայի ժամանակով 06։05-ին, 61-2670 բորտի համարով Boeing OC-135B Open Skies ինքնաթիռը թռիչք է իրականացրել Կոմսոմոլսկի շրջանում։ Օդանավն այստեղից շարժվել է Ուլան Ուդե։
PlaneRadar-ի հաղորդմամբ՝ արդեն 08։20-ին ինքնաթիռը եղել է Չիտայում։
Ria Novosti-ն նշում է, որ թռիչքն իրականացվել է Բաց երկնքի մասին միջազգային պայմանագրի շրջանակներում, որն ստորագրել են ԵԱՀԿ անդամները 1992 թվականին։ Համաձայն այս փաստաթղթի՝ պետությունները կարող են դիտորդական թռիչքներ իրականացնել փաստաթուղթը ստորագրած երկրների տարածքում և տեղեկություններ հավաքել այնտեղի զորքերի վերաբերյալ։
Նախորդ անգամ նույն ինքնաթիռը Ռուսաստանում թռիչք էր իրականացրել փետրվարի 23-ին։