Իսրայելցի զինվորականները կրակ են բացել պաղեստինցիների ուղղությամբ․ կան զոհեր

Տեղադրվել է 04/03/2019.
© AP Photo / Ariel Schalit

Այսօր՝ մարտի 4-ին, Հորդանան գետի արևմտյան ափին իսրայելցի զինվորականները կրակ են բացել իրենց մեքենայով ընթացող պաղեստինցիների վրա։ Այս մասին տեղեկացնում է ՏԱՍՍ-ը՝ հղում կատարելով Իսրայելի բանակի մամուլի ծառայությանը։

«Պաղեստինցիների մի խումբ փորձել է մեքենայով հարձակվել իսրայելցի զինվորականների վրա, որոնք կանգնած են եղել ճանապարհի ոչ երթևեկելի մասում։ Նախնական հետաքննությունը ցույց է տալիս, որ Ռամալլայի մոտ գտնվող Քաֆր Նիմա բնակավայրում տեղի ունեցած միջադեպն ահաբեկչություն է։ Իսրայելցի զինվորականներն անմիջապես կրակ են բացել պաղեստինցիների ուղղությամբ։ Արդյունքում երկու պաղեստինցի զոհվել է, ևս մեկը՝ թեթև վիրավորվել», - ասվում է Իսրայելի պաշտպանության բանակի մամուլի ծառայության տարածած հաղորդագրության մեջ։

Նշվում է նաև, որ դեպքի վայր են ժամանել լրացուցիչ ուժեր։ Իսրայելական կողմից զոհերի և տուժածների մասին տեղեկություններ դեռ չեն հաղորդվել։

Որոշիչ բառեր: Իսրայել, Պաղեստին

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.