ԱՄՆ-ի գլխավորած կոալիցիան ֆոսֆորային ռումբով հարձակում է կատարել Սիրիայում

Տեղադրվել է 04/03/2019.
© EPA-EFE/MURTAJA LATEEF

ԱՄՆ-ի գլխավորած միջազգային կոալիցիան մարտի 3-ին կրկին ավիահարվածներ է հասցրել սիրիական Էլ Բագուզ բնակավայրին՝ կիրառելով արգելված սպիտակ ֆոսֆոր։ Այս մասին տեղեկացնում է ՏԱՍՍ-ը՝ հղում կատարելով սիրիական ՍԱՆԱ գործակալությանը։

Աղբյուրի փոխանցամբ՝ տեղի ունեցածի հետևանքով կան զոհեր և վիրավորներ, որոնց թիվը ճշտվում է։

Նշվում է, որ ավելի վաղ ԱՄՆ-ի գլխավորած կոալիցիան ևս մեկ հարված էր հասցրել նույն բնակավայրին՝ նույն արգելված զինատեսակով։ Այս հարձակման հետևանքների մասին նույնպես տեղեկություններ դեռ չկան։

Սիրիայի արտաքին գործերի նախարարությունը բազմիցս ուղերձներ է հղել ՄԱԿ-ի Անվտանգության խորհուրդ՝ կոչ անելով դատապարտել Միացյալ Նահանգների գլխավորած կոալիցիայի գործողությունները, որոնք կատարվում են արգելված զինատեսակներով՝ սպիտակ ֆոսֆորով և քլաստերային ռումբերով։

Լրատվականը գրում է, որ Էլ Բագուզ բնակավայրում է գտնվում «Իսլամական պետություն» ահաբեկչական խմբավորման հենակետերից մեկը, որտեղից ռմբակոծվում է արևմտյան կոալիցիայի ռազմաօդային ուժերի աջակցությունն ստացող քրդական զորաջոկատները։

Որոշիչ բառեր: ԱՄՆ-ի գլխավորած միջազգային կոալիցիա, Սիրիա, ֆոսֆոր, Իսլամական պետություն

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.