Գիտնականները պարզել են երազի դերը քաղցկեղի և ծերանալու դեմ պայքարում
Իսրայելի Բար Իլանի անվան համալսարանի գիտնականները պարզել են, որ երազը վերականգնում է ԴՆԹ-ն բջիջներում, ինչն էլ իր հերթին խոչընդոտում է քաղցկեղի զարգացմանը և ծերացմանը։ Այս մասին ասվում է MedicalXpress-ի զեկույցում։
Հետազոտության ժամանակ կենսաբաններն օգտագործել են կենդանի ձկների նեյրոնների եռաչափ նկարահանման համակարգ և մանրադիտակի օգնությամբ կարողացել են տեսնել գործընթացները, որոնք կատարվում են քրոմոսոմների հետ օրվա ցիկլի ընթացքում։ Նկատվել է, որ անքնության ժամանակ տեղի է ունենում ԴՆԹ-ների վնասի կուտակում, որի չափը կարող է հասնել ոչ անվտանգ մակարդակի։
Գիտնականները նշում են, որ քունն օգնում է բջջային կորիզի գործողություններին՝ բարձրացնելով քրոմոսոմների դինամիկան և ակտիվացնելով յուրաքանչյուր նեյրոնի մեջ գենետիկ նյութի վերականգնման համակարգը։ Այս կարևոր դերն օգնել է տվյալ ֆիզիոլոգիական միացությանը զարգանալ և պահպանել էվոլուցիայի գործընթացը, չնայած այն հանգամանքին, որ քնած կենդանիներն ավելի շատ են ենթարկվում գիշատիչների հարձակմանը։
ԴՆԹ-ի վնասվելը ծերանալուն և բջիջների մահանալուն հանգեցնող հիմնական գործընթացներից մեկն է։ Որոշ դեպքերում, սակայն, թերի բջիջները կարող են խուսափել մահից՝ դառնալով չարորակ և անթույլատրելիորեն բազմանալով առողջ հյուսվածքի շուրջ։