Huawei ընկերության հայցն ընդդեմ ԱՄՆ-ի կառավարության հիմնավոր է և օրինական․ Չինաստանի ԱԳՆ
Չինական Huawei ընկերության հայցն ընդդեմ ԱՄՆ-ի կառավարության բացարձակ հիմնավոր է և օրինական։ Այս մասին հայտարարել է Չինաստանի ԱԳ պաշտոնական ներկայացուցիչ Լու Կանը։
Ավելի վաղ Huawei ընկերությունը հայտարարել էր, որ դատական հայց է ներկայացրել ԱՄՆ-ի կառավարության դեմ՝ կապված ընկերության դեմ սահմանափակող միջոցների հետ, որը ներկայացվել է 2019 թ․ պաշտպանական բյուջեի նախագծով։ Հայցը ներկայացվել է Տեխասի նահանգային դատարան։
«Ինչ վերաբերվում է ԱՄՆ-ի կառավարության դեմ Huawei ընկերության ներկայացրած հայցին, ապա նշեմ, որ բացարձակ հիմնավոր և օրինական է, երբ ընկերությունը ցանկանում է պաշտպանել իր իրավունքներն օրինական ճանապարհով։ Դա կարելի է հասկանալ», - ասել է Լու Կանը։
Նա հիշեցրել է, որ երբ սահմանափակումներն ուժի մեջ մտան, Չինաստանի կառավարությունն ամերիկյան կողմին իր բողոքը ներկայացրեց։
Հիշեցնենք, որ ԱՄՆ-ի 2019 թ․ պաշտպանական բյուջեի նախագծով արգելվում է ձեռք բերել չինական Huawei и ZTE ընկերությունների արտադրանքը՝ պայմանավորված անվտանգության նկատառումներով։
Դատական հայցում ընկերությունը պահանջում է պարզել, արդյոք չի հակասում այս որոշումը ԱՄՆ-ի սահմանադրությանը։ Huawei ընկերության հայտարարության համաձայն՝ ԱՄՆ Կոնգրեսն այդպես էլ որևէ ապացույց չի ներկայացրել, որը կհիմնավորի ընկերության արտադրանքը գնելու վրա արգելք դնելու որոշումը։