Եվրամիությունը Մեծ Բրիտանիային հնարավորություն է տվել երկարաձգել Brexit-ը

Եվրոպական Միությունը պատրաստ է Մեծ Բրիտանիային թույլ տալ Brexit-ի կատարումը երկարաձգել մինչև մայիսի 22-ը, եթե միության կազմից դուրս գալու համաձայնագիրը պատգամավորները հավանության արժանացնեն հաջորդ շաբաթ։ Հակառակ պարագայում ժամկետի երկարաձգումը կարող է տևել մինչև ապրիլի 12-ը։

Այս մասին, ինչպես գրում է Ռիա Նովոստի-ն, ասվում է ԵՄ Խորհրդի նիստի եզրափակիչ հայտարարության մեջ։

«Եվրոպական Միությունը պատրաստ է մինչև մայիսի 22-ը երկարաձգել Brexit-ի կատարումը, եթե հաջորդ շաբաթ Համայնքների պալատը հավանության արժանացնի համաձայնագիրը», - ասվում է փաստաթղթում։

Միևնույն ժամանակ Եվրամիությունն ակնկալում է, որ եթե մինչև վերոնշյալ ժամկետը պատգամավորները հավանության չարժանացնեն համաձայնագիրը, ապա Միացյալ Թագավորությունը պետք է մինչև այս տարվա ապրիլի 12-ը Եվրոպական Հանձնաժողովին ներկայացնի գործողությունների ճանապարհային քարտեզը։

Հիշեցնենք, որ եթե նախօրեին կայացած ԵՄ Խորհրդի նիստի ժամանակ չհաջողվեր համաձայնության հասնել, ապա Մեծ Բրիտանիան պետք է պաշտոնապես Եվրոպական Միության կազմից դուրս գար մարտի 29-ին։

We use cookies to ensure that we give you the best experience on our website. You may delete and block all cookies from us, but certain parts of the site may not work properly.