Յոթնյակի (Մեծ յոթնյակի) անդամ երկրները Իրանին կոչ են արել դադարեցնել պաղեստինյան արմատական ՀԱՄԱՍ շարժմանն աջակցելը և հետագա ապակայունացնող գործողությունները։ Այս մասին ասվում է G7-ի երկրների արտաքին կապերի գերատեսչությունների ղեկավարների հայտարարության մեջ՝ Մերձավոր Արեւելքում տիրող իրավիճակի վերաբերյալ։
«Մենք կոչ ենք անում Իրանին զերծ մնալ ՀԱՄԱՍ-ին աջակցություն ցուցաբերելուց և հետագա գործողություններից, որոնք ապակայունացնում են իրավիճակը Մերձավոր Արևելքում, ներառյալ լիբանանյան «Հեզբոլլահին» աջակցելը, որը խախտում է ՄԱԿ-ի Անվտանգության խորհրդի 2216 բանաձևը և «բարձրացնում է լարվածություն տարածաշրջանում»,- փաստաթղթում նշել են G7-ի երկրների արտգործնախարարները։
G7-ի անդամ երկրներն Իրանից և Մերձավոր Արևելքի «հարակից խմբերից» պահանջել են դադարեցնել հարձակումները և հաստատել են Թեհրանի դեմ նոր պատժամիջոցներ սահմանելու իրենց պատրաստակամությունը։ «Մենք պատասխանատվության կենթարկենք Իրանի կառավարությանն իր չարամիտ, ապակայունացնող գործողությունների համար և պատրաստ ենք կիրառել լրացուցիչ պատժամիջոցներ կամ ձեռնարկել այլ միջոցներ այժմ և ի պատասխան հետագա ապակայունացնող նախաձեռնությունների», - ասվում է հայտարարության մեջ:
