Ալեքսեյ և Յուլիա Նավալնիները դարձել են «Մեդիա ազատության համար» միջազգային մրցանակի դափնեկիրներ։ Նրանք մրցանակին արժանացան «դիմադրության շարժման մեջ ցուցաբերած խիզախության» և «Ռուսաստանում դաժան բռնապետության դեմ խիզախ և ոչ բռնի պայքարի համար»։
Պարգևատրման արարողությունը տեղի է ունեցել ապրիլի 19-ին Գերմանիայի Թեգերնզե լճում Լյուդվիգ Էրհարդի ամենամյա գագաթնաժողովում։ Յուլիա Նավալնայան մրցանակն ընդունել է իր և իր հանգուցյալ ամուսնու անունից։
«Դուք այս մրցանակը հանձնում եք մեզ երկուսիս՝ ինձ և Ալեքսեյին։ Երկու ամիս առաջ Պուտինը սպանեց նրան բանտում։ Ստացվում է, որ ես կշարունակեմ կրել մրցանակի երկու կեսերը՝ և՛ ինձ, և՛ Ալեքսեյի համար։ Շարունակեք անել այն, ինչ նա արեց ԶԼՄ-ների ազատության ոլորտում, և բերեք ինչ-որ սեփականը»,- մրցանակաբաշխությանն իր ելույթի ժամանակ ասաց Յուլիա Նավալնայան։
Նա ընդգծել է, որ Կրեմլը հանդես կգա գրաքննության, ապատեղեկատվության և ստի նոր գործիքներով. «Սա նշանակում է, որ մենք նոր խորամանկ հնարքներ ենք մշակելու, որպեսզի շարունակենք ցանկացած պայմաններում ճշմարտությունը փոխանցել։ Ինչպես միշտ անում էր Ալեքսեյը»։