Երեկ հայտնի դարձավ, Հայաստանն ու Ադրբեջանը նախնական համաձայնեցրել են սահմանագծի առանձին հատվածները։

Որոշվել է, որ սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը կձևակերպվի համապատասխան Արձանագրություն-նկարագրությամբ, ինչը պետք է համաձայնեցվի ու ստորագրվի Կողմերի միջև մինչև 2024 թ. մայիսի 15-ը:

Այս որոշումից հետո երեկ գիշերվանից տավուշցիները փակել էին Հայաստան–Վրաստան միջպետական ճանապարհահատվածը՝ իրենց անհամաձայնությունը հայտնելով հրապարակած որոշմանը։

Այսօր առավոտյան ևս նրանց բողոքի ակցիան շարունակվում է։

7or.am