Ահաբեկչական գործողություններ են նախապատրաստվում Մեծ Բրիտանիայում և Եվրոպական մի շարք երկրներում

            Ջաբաթ ալ-Նուսրա ահաբեկչական խմբավորումը (վերջերս հայտարարել են, որ այլևս կապ չունեն Ալ-Քաիդայի հետ և, փոխելով իրենց անունը, դառնում են Ջաբաթ Ֆատահ աշ-Շամ) մի շարք ահաբեկչական գործողություններ է նախապատրաստում Մեծ Բրիտանիայում և Եվրոպական երկրներում։ Այս մասին հայտնում է ռուսական РИА Новости լրատվական գործակալությունը՝ հղում անելով Times պարբերականին։

            Աղբյուրի հավաստմամբ՝ ահաբեկչական գործողությունները ծրագրվում են վերջին շրջանում Սիրիայի և Իրաքի տարածքում ԻՊ-ի կրած անհաջողությունների ֆոնին։ Հաղորդվում է, որ ահաբեկիչներն արդեն հարձակումների կոնկրետ պլաններ են մշակում։

            Միացյալ Թագավորության պաշտպանության նախարար Մայքլ Ֆելոնի խոսքով՝ Ջեբաթ ալ-Նուսրա ահաբեկչական խմբավորումը անմիջական վտանգ է ինչպես Մեծ Բրիտանիայի, այնպես էլ՝ ամբողջ Եվրոպայի համար։

Photo: Reuters