Ռուսաստանի իրավապահները ձերբակալել են Ուկրաինայի քաղաքացու, որը կասկածվում է լրտեսության մեջ

             Ռուս իրավապահները Մոսկվայում ձերբակալել են Ուկրաինայի մի քաղաքացու, որը կասկածվում է լրտեսություն կատարելու մեջ: Այս մասին հայտնում է ռուսական РИА Новости լրատվական գործակալությունը՝ հղում անելով ՌԴ Ազգային անվտանգության ծառայությանը (ФСБ):

            Աղբյուրի հավաստմամբ՝ ձերբակալվածը Ուկրաինայի Պաշտպանության նախարարության հետախուզության ծառայութան կադրային գնդապետ, 47-ամյա Ռոման Սուշենկոն է: Ռուս իրավապահների համոզմամբ՝ Սուշենկոն Մոսկվայում գաղտնի տվյալներ էր հավաքում ռուսական բանակի վերաբերյալ:

            Ռոման Սուշենկոն, ըստ փաստաթղթերի, «Ուկրինֆորմ» լրատվական գործակալության աշխատակից է: Ուկրաինական կողմի հավաստմամբ՝ նա 2002թ-ից աշխատում է այդ գործակալությունում և Մոսկվա էր մեկնել անձնական գործերով: Ոկրաինայի Արտաքին գործերի նախարարությունից հայտնել են, որ աշխատանքներ են տարվում ձերբակալության հանգամանքները պարզելու ուղղությամբ:

Фото: ФСБ РФ