Թուրքիան պատասխան կրակ է բացել ԻՊ-ի դիրքերի ուղղությամբ
Թուրքական հրետանին պատասխան կրակ է բացել «Իսլամական Պետություն» ահաբեկչական խմբավորման դիրքերի ուղղությամբ այն բանից հետո, երբ վերջինս գնդակոծել էր Թուրքիայի հարավ-արևելքում գտնվող Քիլիս քաղաքը: Այս մասին հայտնում է РИА Новости լրատվական գործակալությունը՝ հղում անելով Թուրքիայի Գլխավոր շտաբին:
Ավելի վաղ Քիլիսի քաղաքային իշխանությունները հայտնել էին, որ Սիրիայի տարածքից արձակված արկ է պայթել քաղաքի շուկաներից մեկում: Տեղի ունեցածի հետևանքով վրավորվել էր սիրիացի 6 փախստական, որից 5-ը՝ երեխա:
Նախկինում ևս ԻՊ-ի դիրքերից այս քաղաքի ուղղությամբ հրթիռային հարձակումներ են եղել, ինչի արդյունքում զոհվել է ավելի քան 20 մարդ, իսկ վիրավորվել՝ մոտ 40-ը: Թուրքական հրետանին ամեն անգամ պատասխան կրակ է բացել:
Photo: wsj.com