Կրակոցներ Անկարայում ԱՄՆ-ի դեսպանատան մոտ

Անկարայում ԱՄՆ-ի դեսպանատան մոտ կրակոցներ են հնչել։ Այս մասին հայտնում է CNN Türk-ը։  

Աղբյուրի հավաստմամբ՝ Շահին Ս. անունով մի մարդ մոտեցել է Անկարայի Նևզաթ Թանդողան փողոցում գտնվող ԱՄՆ-ի դեսպանատանը, ապա, հանելով հրացանը, 8-9 անգամ օդ է կրակել։ Դեսպանատան մոտ ծառայություն իրականացնող ոստիկաններն անմիջապես արձագանքել են և ձերբակալել Շահին Ս.-ին։ Նա տեղափոխվել է ոստիկանության բաժանմունք։ Ականատեսները նշում են, որ ոստիկանական մեքենան նստելու ժամանակ հանցագործը բացականչել է. «Աստծով եմ երդվում։ Մեզ հետ խաղ մի արեք»։

Այն, որ դեպքը տեղի է ունեցել Ռուս դեսպան Անդրեյ Կարլովի սպանության վայրի՝ Ժամանակակից արվեստների կենտրոնի մերձակայքում, խուճապի պատճառ է դարձել։