Ավարտվել է միջդիրքային գոտուց ադրբեջանցի դիվերսանտների դիերի տարհանման գործընթացը
Լեռնային Ղարաբաղի պաշտպանության նախարարությունը հայտնում է, որ այսօր՝ փետրվարի 27-ին, ԵԱՀԿ գործող նախագահի անձնական ներկայացուցչի միջնորդությամբ կողմերի միջև ձեռք բերված լրացուցիչ պայմանավորվածության արդյունքում՝ ժամը 17:00-ի սահմաններում, Կարմիր խաչի միջազգային կոմիտեի և ԵԱՀԿ գործող նախագահի անձնական ներկայացուցչի դաշտային օգնականների մասնակցությամբ, ավարտվեց չեզոք գոտուց ադրբեջանական գրոհայինների դիակների տարհանման գործընթացը:
Արցախի Պաշտպանության բանակի մամուլի ծառայությունը տեղեկացնում է նաև, որ տարհանման գործընթացն իրականացվել է համաձայն փետրվարի 25-ին ձեռքբերված պայմանավորվածության, այսինքն այնպես, ինչպես սկզբնական շրջանում պնդել է արցախյան կողմը: