ԱՄՆ-ը հաստատել է քաղցկեղի դեմ աշխարհում առաջին օրգանական դեղմիջոցը
ԱՄՆ-ում Սննդի և դեղամիջոցների վարչությունը (ՍԴՎ) հաստատել է քաղցկեղի բուժման համար առաջին գենետիկ թերապիան: Դեղամիջոցն առաջարկում է հիվանդության դեմ պայքարի բոլորովին նոր ձև, որը կարող է հանգեցնել նաև այլ լուրջ հիվանդությունների բուժման մեթոդներ գտնելուն. այս մասին տեղեկացնում է RT-ն:
Լեյկեմիայի դեմ նոր դեղամիջոցն ստեղծվել է շվեյցարական Novartis ընկերության կողմից, դրա արժեքը 475 հազար դոլար է:
Kymriah կոչվող դեղամիջոցն իրենից ներկայացնում է «T-բջիջների գենետիկորեն ձևափոխված իմունոթերապիա», որի յուրաքանչյուր չափաբաժինն ստեղծվում է հենց հիվանդի T-բջիջներից՝ սպիտակ արյան բջիջների մի տեսակ, որը հայտնի է լիմֆոցիտ անվամբ:
Հիվանդի T-բջիջներն ուղարկվում են գենետիկական ձևափոխման, որտեղ դրանց միացվում է հատուկ պրոտեին պարունակող նոր գեն, որը կոչվում է քիմիական հակագենի ընդունիչ (ՔՀԸ): Ապա «ապրող դեղեր» անվամբ հայտնի այս բիջիջները ներարկվում են հիվանդին, որտեղ դրանք թիրախավորում և ոչնչացնում են լեյկեմիայի բջիջները:
«Մենք թևակոխում ենք բժշկական նորարարությունների նոր դարաշրջան՝ կարողանալով վերածրագրավորել հիվանդի սեփական բջիջները՝ մահացու քաղցկեղի դեմ պայքարելու համար»,- ասել է ՍԴՎ-ի ներկայացուցիչ Սկոթ Գոթլիբը:
Այս բուժումը հաստատվել է 25 տարեկանից բարձր այն հիվանդների համար, որոնք տառապում են սուր լիմֆոբլաստիկ լեյկեմիայով՝ ոսկրածուծի և արյան քաղցկեղով: Քաղցկեղի ազգային իստիտուտի տվյալներով՝սա այս հիվանդության ամենատարածված տեսակն է երեխաների շրջանում. դրանով տառապում են 20 տարեկանից ցածր 3100 հիվանդներ: Kymriah-ի միջոցով հնարավոր կլինի բուժել մահացու հիվանդների 90%-ին: