Նյու Յորքում սկսվել է Լավրովի և Թիլերսոնի հանդիպումը

Երեկ՝ սեպտեմբերի 17-ին, ՄԱԿ-ում Ռուսաստանի Դաշնության մշտական ներկայացուցչության գրասենյակում սկսվել է ՌԴ արտաքին գործերի նախարար Սերգեյ Լավրովի և ԱՄՆ պետքարտուղար Ռեքս Թիլերսոնի հանդիպումը։ Այն կրում է ոչ ֆորմալ բնույթ և անցկացվում է առանց ԶԼՄ-ների ներկայության։ Այս մասին հայտնում է ռուսական ՏԱՍՍ գործակալությունը։

Երկու երկրների արտաքին քաղաքական գերատեսչությունների ղեկավարների հանդիպման մասին ավելի վաղ հայտնել էր ԱՄՆ-ի պետքարտուղարությունը։

Սեպտեմբերի 16-ին Լավրովը և Թիլերսոնը հեռախոսազրույց են ունեցել, որի ընթացքում քննարկել են Ուկրանայի հարցը՝ անդրադառնալով նաև Սիրիայում անվտանգության գոտիների ստեղծման թեմային։ ՏԱՍՍ-ի փոխանցմամբ՝ հեռախոսազրույցը կայացել է ամերիկյան կողմի նախաձեռնությամբ։

Սերգեյ Լավրովը Նյու Յորք է ժամանել մասնակցելու ՄԱԿ-ի Գլխավոր ասամբլեայի ընդհանուր քաղաքական երկխոսությանը, որն սկսվելու է սեպտեմբերի 19-ին։