Հայաստանը և Եվրամիությունը ստորագրեցին Համապարփակ և ընդլայնված գործընկերության համաձայնագիրը
Այսօր՝ նոյեմբերի 24-ին, Բրյուսելում մեկնարկել է Եվրոպական Միության Արևելյան գործընկերության գագաթնաժողովը, որին մասնակցում էր նաև Հայաստանի Հանրապետության պատվիրակությունը՝ նախագահ Սերժ Սարգսյանի գլխավորությամբ։ Այս մասին տեղեկացնում է ՀՀ նախագահի մամուլի ծառայությունը։
Գագաթնաժողովի շրջանակներում Հայաստանի Հանրապետության և Եվրոպական Միության միջև, նախագահ Սերժ Սարգսյանի և Եվրոպական խորհրդի նախագահ Դոնալդ Տուսկի ներկայությամբ, կնքվել է Համապարփակ և ընդլայնված գործընկերության համաձայնագիր: Փաստաթուղթն ստորագրել են ՀՀ արտաքին գործերի նախարար Էդվարդ Նալբանդյանը և ԵՄ արտաքին քաղաքականության և անվտանգության հարցերով բարձր ներկայացուցիչ Ֆեդերիկա Մոգերինին:
Ինչպես նշում է ԵՄ արտաքին քաղաքական գերատեսչության ղեկավարը, այս համաձայնագիրը եզակի է իր տեսակի մեջ, քանի որ կնքվում է Եվասիական տնտեսական միության անդամ պետության հետ։
ՀՀ արտգործնախարար Էդվարդ Նալբադյանն, իր հերթին, նշել է, որ համաձայնագրի կնքումը նոր հորիզոններ է բացում Հայաստանի և Եվրոպական Միության հարաբերություններում։
Հիշեցնենք, որ փաստաթուղթը նախաստորագրվել էր այս տարվա մարտին։