Իվանովիչի սպանությունն ահաբեկչական գործողություն է․ Սերբիայի նախագահ

Քաղաքական գործիչ Օլիվեր Իվանովիչի՝ Կոսովոյում տեղի ունեցած սպանությունը ահաբեկչական գործողություն է։ Այս մասին հայտարարել է Սերբիայի նախագահ Ալեքսանդր Վուչիչը։ Այս մասին գրում է Ռիա Նովոստի-ն։

«Սերբիա պետության համար սա ահաբեկչական գործողություն է, և մենք հենց այսպես ենք վերաբերվելու տեղի ունեցածին», - սպանության առիթով ունեցած հատուկ ելույթի ժամանակ հայտարարել է Սերբիայի նախագահը։

Հիշեցնենք, որ այսօր՝ հունվարի 16-ին Կոսովոյի հյուսիսային Միտրովիցա քաղաքում սպանվել էր հայտնի սերբ քաղաքական գործիչ, «Ազատություն, ժողովրդավարություն, ճշմարտություն» քաղաքացիական նախաձեռնության ղեկավար Օլիվեր Իվանովիչը։

Անհայտ անձը Իվանովիչի ուղղությամբ կրակն արձակել է մեքենայով ընթանալու ժամանակ, երբ սերբ գործիչը մուտք գործելիս է եղել կուսակցության շենք։

Օլիվեր Իվանովիչը Կոսովոյի սերբերի առաջնորդներից մեկն է։ 2008-2012 թ․թ․ զբաղեցրել է Կոսովոյի հարցերով Սերբիայի կառավարության պետքարտուղարի պաշտոնը։

2016 թ․ քաղաքական գործիչը ռազմական հանցագործություն կատարելու մեղադրանքով դատապարտվել էր 9 տարվա ազատազրկման, սակայն ավելի ուշ բաց էր թողնվել։

We use cookies to ensure that we give you the best experience on our website. You may delete and block all cookies from us, but certain parts of the site may not work properly.