ՀՀ արտաքին գործերի նախարար Էդվարդ Նալբանդյանը հանդիպում է ունեցել Ադրբեջանի ԱԳ նախարարի հետ

Տեղադրվել է 19/01/2018.
© mfa.am

Հունվարի 18-ին Լեհաստանի Կրակով քաղաքում տեղի է ունեցել Հայաստանի և Ադրբեջանի արտաքին գործերի նախարարների հանդիպումը։ Այս մասին տեղեկացնում է ՀՀ արտգործնախարարության մամուլի ծառայությունը։

Նշվում է, որ հանդիպումը մեկնարկել է ԵԱՀԿ Մինսկի խմբի համանախագահների և ԵԱՀԿ գործող նախագահի անձնական ներկայացուցչի ներկայությամբ, ապա շարունակվել է առանձնազրույցի ձևաչափով։

«Հանդիպմանը շարունակվեցին անցյալ դեկտեմբերին կայացած քննարկումները՝ Հայաստանի և Ադրբեջանի ղեկավարների Վիեննայի, Սանկտ Պետերբուրգի և Ժնևի գագաթաժողովներին ձեռք բերված պայմանավորվածությունների իրագործման ուղիների շուրջ», - ասվում է ԱԳՆ մամուլի հաղորդագրութան մեջ։

Հանդիպմանն Էդվարդ Նալբանդյանն իր ադրբեջանցի գործընկերոջը կոչ է արել հետևել համանախագահների՝ հրադադարի համաձայնագրերը անշեղորեն հարգելու կոչերին և  կատարել նախկինում ձեռք բերված պայմանավորվածությունները։

Հայաստանի և Ադբեջանի ԱԳ նախարարները և համանախագահները քննարկել են հակամարտության գոտում լարվածության նվազեցման ուղղությամբ հավելյալ քայլերի իրականացումը և բանակցային գործընթացի ակտիվացման հնարավորությունները։

Հանդիպման արդյունքում որոշվել է, որ փետրվարի առաջին կեսին եռանախագահները կայցելեն տարածաշրջան։

 

Որոշիչ բառեր: Էդվարդ Նալբանդյան, Էլմար Մամեդյարով

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.