Չեխիան ձգտում է ամրապնդել իր դիրքերը ՆԱՏՕ-ում և Եվրամիությունում․ Չեխիայի վարչապետ
Չեխիան հավատարիմ է եվրոատլանտյան առաջնահերթություններին և ցանկանում է ամրապնդել իր դիրքերը Եվրոպական Միությունում և ՆԱՏՕ-ում։ Այս մասին նախագահ Միլոշ Զեմանի հետ փետրվարի 8-ի երեկոյան կայացած հանդիպումից հետո հայտարարել է Չեխիայի վարչապետ Ադրեյ Բաբիշը․ գրում է ՏԱՍՍ-ը։
«Մենք ցրուցել ենք երկրի արտաքին քաղաքականության ուղղվածության մասին։ Չեխիան ՆԱՏՕ-ի և Եվրոպական Միության անբաժան անդամն է, և մենք իրոք ցանկանում ենք այս կազմակերպություններում ունենալ ավելի մեծ դերակատարություն, քան նախկինում», - ասել է Բաբիշը։
Չեխիայի վարչապետը կասկածի տակ չի դրել այն փաստը, որ իրենք այսուհետ երկրի արտաքին քաղաքականությունը վարելու են Եվրոպական Միության անդամ և դաշնակից երկրների հետ՝ ինչպես նաև ելնելով ՆԱՏՕ-ի առջև իրենց պարտավորություններից։