ՆԱՏՕ-ում քննարկվել է Անկարայի կողմից ռուսական Ս-400 համակարգի գնման հարցը
ՆԱՏՕ-ն և Թուրքիան քննարկել են ամերիկացի պաշտոնյաների այն հայտարարությունները, որ ռուսական Ս-400 համակարգը ձեռք բերելու դեպքում Անկարայի նկատմամբ կարող են պատժամիջոցներ սահմանվել։
Այս մասին, ինչպես գրում է ՏԱՍՍ-ը, հայտարարել է ՆԱՏՕ-ի գխավոր քարտուղար Յենս Սթոլթենբերգը։
«Ինչ վերաբերում է Ս-400-ին, ապա պետք է նշել, որ յուրաքանչյուր պետություն ինքն է որոշում ինչ համակարգեր օգտագործել։ ՆԱՏՕ-ի համար շատ կարևոր է այդ համակարգեր՝ Դաշինքի հակաօդային պաշտպանության համակարգում ինտեգրվելու հարցը։ Իսկապես, շատ բարդ է լինելու, սակայն թուրքական կողմից մենք դեռ հարցում չենք ստացել», - ասել է Սթոլթենբերգը։
Նրա խոսքով՝ բազմիցս քննարկվել է վերոնշալ համակարգը ձեռք բերելու պարագայում ԱՄՆ-ի կողմից պատժամիջոցներ սահմանելու հարցը։ Սթոթենբերգն այս առիթով ողջունել է Թուրքիայի հետ ուղիղ շփումները։
Հիշեցնենք, որ նախորդ տարվա սեպտեմբերի 12-ին Թուրքիայի նախագահ Ռեջեփ Թայիփ Էրդողանը հայտարարել էր, որ Մոսկվայի հետ արդեն կնքվել է Ս-400-ի գնման համաձայնագիրը, և նույնիսկ կանխավճար է տրվել։ Սեպտեմբերի վերջին այս լուրը հաստատել էր նաև ՌԴ նախագահի՝ ռազմատեխնիկական համագործակցութան հարցերով օգնական Վլադիմիր Կոժինը՝ ընդգծելով, որ այդ հարցն արդեն «չի քննարկվում»։
Նշենք, որ առաջին անգամ Թուրքիան Ս-400 համակարգով հետաքրքրվել է դեռ 2009 թվականին: Այն ժամանակ, սակայն, համագործակցությունը դադարեցվել է:
Հակաօդային պաշտպանության զենիթահրթիռային Ս-400 համակարգը նախատեսված է բալիստիկ հրթիռների և ինքնաթիռների խոցման համար: Թիրախները կարողանում է խոցել մինչև 400 կմ հեռավորության վրա: