ԵՄ-ի սահմանած հակառուսական նոր պատժամիջոցներն ուղղված են Ղրիմի բնակչության դեմ․ Զախարովա

Տեղադրվել է 31/07/2018.
© Артем Геодакян/ТАСС

Ռուսական 6 ընկերությունների նկատմամբ Եվրոպական Միության կողմից պատժամիջոցների սահմանումը քայքայիչ քաղաքականություն է, որն ուղղված է Ղրիմի թերակղզու բնակիչների դեմ։

Այս մասին հայտարարել է ՌԴ արտաքին գործերի նախարարության մամուլի խոսնակ Մարիա Զախարովան․ գրում է ՏԱՍՍ-ը։

Նրա խոսքով՝ այս պատժամիջոցներով «Արևմուտքը խրախուսում է նրանց, ովքեր զբաղվել են Ղրիմի էներգոբլոկադայով, և հետապնդում նրանց, ովքեր կառուցում են քաղաքացիական ենթակառուցվածքների օբյեկտներ»։

«Սա քայքայիչ քաղաքականություն է՝ ուղղված Ղրիմի բնակչության դեմ», - ընդգծել է Զախարովան։

ՏԱՍՍ-ը հիշեցնում է, որ ավելի վաղ ԵՄ Խորհուրդն ընդլայնել էր պատժամիջոցների ցուցակը՝ կապված Ղրիմի՝ ՌԴ-ին միանալու, ինչպես նաև Կերչի նեղուցի վրա կամուրջի կառուցման հետ։

Ինչպես նշվում է ԵՄ պաշտոնաթերթում, պատժամիջոցներ են սահմանվել ռուսական ևս 6 ընկերությունների նկատմամբ։

Որոշիչ բառեր: Մարիա Զախարովա, Ղրիմ, հակառուսական պատժամիջոցներ, Եվրոպական Միություն, Կերչի նեղուց

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.