Պուտինը հայտնել է Կիմ Չեն Ընի հետ հանդիպելու պատրաստակամության մասին

Ռուսաստանի Դաշնության նախագահ Վլադիմիր Պուտինը հայտարարել է, որ պատրաստ է առաջիկայում հանդիպել ԿԺԴՀ առաջնորդ Կիմ Չեն Ընի հետ և քննարկել երկկողմ հարաբերություններին առնչվող և տարածաշրջանային կարևոր հարցեր։

Այս մասին ասվում է ճապոնական պետությունից Կորեայի ազատագրման 73-րդ տարեդարձի կապակցությամբ ուղակված պատասխան հեռագրում։ Ավելի վաղ Կիմ Չեն Ընը Պուտինին շնորհավորական ուղերձ էր հղել։

Պուտինը շնորհավորել է Կիմ Չեն Ընին «համազգային տոնի» կապակցությամբ և բարձր է գնահատել այն, որ ԿԺԴՀ-ը հիշում է, թե ինչպես էին Կարմիր բանակի զինվորները «կորեացիների հետ ուս ուսի տված պայքարում ընդհանուր թշնամու դեմ»։

«Համոզված եմ, որ մենք՝ Ռուսաստանը, ԿԺԴՀ-ը և Կորեայի Հանրապետությունը կարող ենք հետագայում նույնպես զարգացնել եռակողմ հարաբերությունները՝ սկսելով եռակողմ նախագծեր իրականացնել», - ասել է ՌԴ նախագահը։

1945 թ․ օգոստոսի 15-ին ԽՍՀՄ զորքերն Ճապոնիայի հետ պատերազմելով՝ վերջինիս տիրապետությունից ազատագրել են Կորեան։ Այսօր, ի հիշատակ խորհրդային բանակի զինվորների, Փհենյանի կենտրոնում կանգնած է «Ազատագրում» անունը կրող հուշարձանը։

Աղբյուր՝  https://ria.ru/world/20180815/1526558319.html?inj=1