Կանադայի վարչապետ Ջասթին Թրյուդոն ժամանել է Հայաստան

Կանադայի վարչապետ Ջասթին Թրյուդոն ժամանել է Երևան՝ մասնակցելու Ֆրանկոֆոնիայի 17-րդ գագաթնաժողովին։ Այս մասին տեղեկացնում է «Արմենպրես»-ը։ Նշվում է, որ Թրյուդոյին օդանավակայանում դիմավորել է ՀՀ արտգործնախարար Զոհրաբ Մնացականյանը։

Վարչապետ Թրյուդոն ելույթով հանդես կգա Ֆրանկոֆոնիայի 17-րդ գագաթնաժողովի բացման արարողությանը, այնուհետև կմասնակցի լիագումար նիստին: Նա նաև կմասնակցի սահմանափակ լիագումար նիստում։ Թրյուդոն երեկոյան ներկա կլինի Հանրապետության հրապարակում կայանալիք գալա համերգին։ Ֆրանկոֆոնիայի շրջանակում Կանադայի վարչապետի հոկտեմբերի 11-ի օրակարգը կավարտվի ՀՀ վարչապետ Նիկոլ Փաշինյանի կազմակերպած վարչապետների ընթրիքին մասնակցությամբ։