Ստրասբուրգում տեղի ունեցած զինված հարձակման հետևանքով զոհվել է երեք մարդ
Ստրասբուրգի կենտրոնում տեղի ունեցած կրակոցների հետևանքով զոհվել է երեք մարդ։ Այս մասին հայտնում է Ֆրանսիայի ներքին գործերի նախարար Քրիստոֆեր Կաստաները՝ հավելելով, որ ևս 6 վիրավոր ծանր վիճակում տեղափոխվել է հիվանդանոց։
Նշվում է, որ կրակոցները տեղի են ունեցել քաղաքի սուրբծնդյան տոնավաճառից ոչ հեռու։ Այս տոնավաճառը քաղաքի ավանդական միջոցառումների մասն է, որն ամեն տարի հազարավոր զբոսաշրջիկներ է հավաքում աշխարհի տարբեր ծայրերից։
Քաղաքային իշխանություները նշում են, որ հանցագործը կրակոցներն արձակելուց հետո տաքսիով դիմել է փախուստի։
Figaro թերթի հավաստմամբ՝ հանցագործը կրակել է ավտոմատից․ նրա արարքի դրդապատճառները դեռ հայտնի չեն։
France Info-ն տեղեկացնում է, որ հանցագործը Ստրասբուրգի 29-ամյա մի բնակիչ է, որը նախկինում ազատազրկված է եղել ոչ միայն Ֆրանսիայում, այլ նաև Գերմանիայում։ Նա ոստիկանության ուշադրության կենտրոնում է եղել որպես ազգային անվտանգության սպառնալիք հանդիսացող անձ։
Նախկինում նա դատապարվել է զինված հարձակում կատարելու համար։ Տղամարդում պետք է ձերբակալեին այդ առավոտյան, սակայն իրավապահները չեն կարողացել գտնել նրան։ Հանցագործի տան խուզարկությամբ ոստիկանները հայտնաբերել են նռնակներ։
Գործի հետաքննությանը մասնակցում է նաև Փարիզի դատախազության հակաահաբեկչության ստորաբաժանումը։