Լիոնի համալսարանի տարածքում մի քանի պայթյուն է որոտացել

Այսօր՝ հունվարի 17-ին, մի քանի պայթյուն է որոտացել Ֆրանսիայի «Լիոն 1» համալսարանի տարածքում։ Այս մասին գրում է TASS-ը՝ հղում կատարելով BFMTV-ին։

Աղբյուրի փոխանցմամբ՝ առավոտյան հրդեհ է բռնկվել համալսարանի շենքի տանիքում, ինչից հետո պայթել է գազի 3 բալոն, որոնք պահվում էին պատշգամբում։

Համալսարանի թվիթերյան էջում տեղ գտած հաղորդագրության համաձայն՝ երեք մարդ ստացել է մարմնական վնասվածք։ Շենքում գտնվող բոլոր մարդիկ անհապաղ տարհանվել են։

Դեպքի վայր ժամանակ հրշեջները հաջողությամբ կարողացել են վերահսկողության տակ վերցնել իրավիճակը և թույլ չտալ կրակի տարածումը։