Թրամփը չի բացառում Միջին և ցածր հեռահարության հրթիռների ոչնչացման մասին պայմանագրի վերակնքումը

ԱՄՆ-ն պատրաստ է դիտարկել Միջին և ցածր հեռահարության հրթիռների մասին պայմանագրի վերակնքման հնարավորությունը՝ ընդլայնելով պայմանագրի անդամների թիվը։ Այս մասին հայտարարել է ԱՄՆ նախագահ Դոնալդ Թրամփը։

«Ռուսատանը բազմիցս խախտել է պայմանագրի դրույթները, այդ իսկ պատճառով էլ ես հայտարարեցի, որ Վաշինգտոնը դուրս է գալիս Միջին և ցածր հեռահարության հրթիռների մասին պայմանագրից», - ԱՄՆ Կոնգրեսի Սենատի և Ներկայացուցիչների պալատի առջև ունեցած ելույթի ժամանակ հայտարարել է Թրամփը։

«Հնարավոր է՝ մենք կարող ենք պայմանավորվել մեկ այլ պայմանագրի շուրջ, որին կարող են միանալ նաև Չինաստանը և այլ պետություններ։ Հնարավոր է՝ ոչ։ Նման դեպքում մենք բավական շատ ժամանակ կծախսենք ռազմամթերքների մշակման վրա, քանի մյուս երկրները և կծախսենք դրա համար ավելի շատ գումար, քան մյուսները», - ասել է Թրամփը։

Հիշեցնենք, որ փետրվարի 2-ին Միացյալ Նահանգները հայտարարել էր, որ դուրս է գալիս Միջին և ցածր հեռահարության հրթիռների ոչնչացման մասին պայմանագրից, որը կնքվել էր 1987 թ․ ԱՄՆ-ի և ԽՍՀՄ-ի միջև։ Ի պատասխան՝ Մոսկվան հայտարարեց, որ նույնպես դուրս է գալիս պայմանագրից և պատրաստվում է նոր հրթիռներ մշակել, որոնք արգելված էին փաստաթղթով։

We use cookies to ensure that we give you the best experience on our website. You may delete and block all cookies from us, but certain parts of the site may not work properly.